Կրեմլը քննադատել է Մոլդովայում կայացած ընտրությունները
Մոլդովայում անցկացված խորհրդարանական ընտրությունները լի էին խախտումներով և տարօրինակություններով: Այս մասին, ինչպես գրում է Gazeta.ru-ն, ճեպազրույցի ժամանակ հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Ինչպես ցույց տվեցին ընտրությունները, որոնք, իհարկե, լի էին տարբեր խախտումներով և տարօրինակություններով, մոլդովացիների մեծ մասը, եթե ոչ ավելին, կողմ են Ռուսաստանի հետ լավ հարաբերությունների հաստատմանը»,- ասել է Կրեմլի խոսնակը։
Ռուսաստանի արտաքին գործերի նախարարության խոսնակ Մարիա Զախարովան նախօրեին հայտարարել էր, որ Մոլդովայում անցկացված արտահերթ խորհրդարանական ընտրությունները և դրանց արդյունքները Արևմտյան երկրների ձախողումն են։
