Ճապոնիայի վարչապետը ցանկանում է Թրամփին առաջարկությունների փաթեթ ներկայացնել
Ճապոնիայի վարչապետ Շիգերու Իշիբան հայտարարել է, որ Միացյալ Նահանգների կողմից մաքսատուրքեր սահմանելու կապակցությամբ մտադիր է առաջարկների փաթեթ ներկայացնել ԱՄՆ-ի նախագահ Դոնալդ Թրամփին։
Այդ մասին տեղեկացնում է «ՌԻԱ Նովոստի»-ն։
Իշիբան հայտարարել է Թրամփի հետ հեռախոսազրույց ունենալու մտադրության մասին՝ կապված մաքսատուրքերի ներդրման հետ։ Նա լրագրողներին ասել է, որ զրույցը կարող է տեղի ունենալ հաջորդ շաբաթ՝ երկու կողմերի համար հարմար ժամանակ:
«Կարևոր է խոսել այն մասին, թե ինչպես մեր երկիրը կարձագանքի նախագահ Թրամփի բարձրացրած տարբեր խնդիրներին: Կխնդրենք բացառություն անել Ճապոնիայի համար։ ԱՄՆ-ի հետ բանակցություններում ուզում եմ ներկայացնել փաթեթ»,-ասել է Ճապոնիայի վարչապետը:
