Իսրայելական բանակը գրոհում է Հորդանան գետի արևմտյան ափի պաղեստինյան գյուղերի ուղղությամբ. Al Jazeera
Իսրայելական բանակը գրոհում է Ուրիֆ գյուղի վրա, որը գտնվում է Հորդանան գետի արեւմտյան ափի Նաբլուս քաղաքից հարավ-արևմուտք։
Այդ մասին հայտնել է Կատարի Al Jazeera հեռուստաալիքը։
Հեռուստաալիքի տվյալներով` բախումներ են տեղի ունենում պաղեստինցիների և իսրայելցի զինվորականների միջև, որոնք ռեյդեր և ձերբակալություններ են իրականացնում Ուրիֆում։
Բացի այդ, բախումներ են գրանցվել Հորդանան գետի արեւմտյան ափի Ռամալլա քաղաքից արևմուտք գտնվող Բուդրուս գյուղում:
