Բլինքենն ու Գուտերեշը քննարկել են հացահատիկի գործարքը
ԱՄՆ պետքարտուղար Էնթոնի Բլինքենն այսօր՝ ՄԱԿ-ի Գլխավոր ասամբլեայի 78-րդ նստաշրջանից առաջ, զրուցել է Միավորված ազգերի կազմակերպության (ՄԱԿ) գլխավոր քարտուղար Անտոնիո Գուտերեշի հետ։ Այս մասին ասվում է ԱՄՆ Պետդեպարտամենտի մամուլի քարտուղար Մեթյու Միլլերի հայտարարության մեջ։
Նշվում է, որ զրուցակիցները քննարկել են հարցերի լայն շրջանակ, այդ թվում՝ «Սևծովյան հացահատիկի նախաձեռնությունը», Ուկրաինայի պատերազմը և Հաիթիում անվտանգության հետ կապված իրավիճակը։
«Նրանք քննարկել են Միացյալ Նահանգներում տիրող իրավիճակը, Գլխավոր ասամբլեայի առաջնահերթությունները, ներառյալ ՄԱԿ-ի կանոնադրության և Մարդու իրավունքների համընդհանուր հռչակագրի հիմնական սկզբունքների ամրապնդումը, ՄԱԿ-ի արդիականացումը 21-րդ դարի խնդիրների լուծման համար, և հաստատուն զարգացման հարցում ՄԱԿ-ի նպատակներն իրականացնելու մեր ջանքերը։ Պետքարտուղարը տեղեկություններ է տրամադրել ԱՄՆ-ում զուգահեռ իրականացվող միջոցառումների մասին՝ կապված սինթետիկ թմրամիջոցների սպառնալիքի դեմ պայքարի, արհեստական ինտելեկտի օգտագործման հետ՝ ՄԱԿ-ի Կայուն զարգացման նպատակներին հասնելու և ենթակառուցվածքային խոշոր ծրագրերում մասնավոր կապիտալի ներգրավման համար: Պետքարտուղարը շնորհակալություն է հայտնել գլխավոր քարտուղարին բարձր մակարդակով արդյունավետ շաբաթ ապահովելու ջանքերի համար»,- ասված է հաղորդագրության մեջ։
