29-ամյա երիտասարդի մեքենայում հրազեն է հայտնաբերվել
Ոստիկանության Ծաղկաձորի բաժանմունքի և Հրազդանի բաժնի քրեական հետախույզների ձեռնարկած օպերատիվ-հետախուզական միջոցառումների արդյունքում նոյեմբերի 13-ին Ծաղկաձոր քաղաքի Օրբելի Եղբայրների փողոցում հայտնաբերվել, հրազեն ու ռազմամթերք ապօրինի պահելու կասկածանքով ձերբակալվել և, «Մերսեդես» մակնիշի մեքենայով հանդերձ, Հրազդանի բաժին է տեղափոխվել երևանցի 29-ամյա մի երիտասարդ: Նա հայտնել է, որ «Մերսեդեսի» բեռնախցիկում «ՍԿՍ» տիպի հրազեն կա:
«Մերսեդեսը» տեղափոխվել է բաժնի պահպանվող հատուկ տարածք:
Ձեռնարկված միջոցառումներով պարզվել է, որ «Մերսեդեսի» վրա տեղադրված են այլ հաշվեհամարներ:
29-ամյա երիտասարդը և կազմված փաստաթղթերը ներկայացվել են Կոտայքի մարզային քննչական վարչություն:
