22 և 31 տարեկան երիտասարդները բերման են ենթարկվել Մաշտոցի պողոտայից
Ոստիկանության Երևան քաղաքի վարչության ՔՀԲ 6-րդ բաժանմունքի ծառայողները, իրացնելով օպերատիվ տվյալները, հուլիսի 22-ին, ժամը 22.40-ին, գողություն կատարելու հիմնավոր կասկածով, Մաշտոցի պողոտայում ձերբակալել և ոստիկանության Կենտրոնական բաժին են բերել 22 և 31 տարեկան երկու երիտասարդի:
Պարզվել է, որ նրանք մոտ մեկ ժամ առաջ ավտոբուսում ուղևորուհու պայուսակից գողացել են դրամապանակը:
Տուժողից ընդունվել է հաղորդում:
Կատարվում է նախաքննություն:
