Զելենսկին կոչ է արել ԱՄՆ-ին պատժամիջոցներ կիրառել բոլոր ռուս քաղաքական գործիչների նկատմամբ
Ուկրաինայի նախագահ Վլադիմիր Զելենսկին կոչ է արել ԱՄՆ Կոնգրեսին պատժամիջոցներ կիրառել գործող բոլոր ռուս քաղաքական գործիչների նկատմամբ: Այս մասին նա խոսել է Կոնգրեսի երկու պալատների անդամների հետ տեսակապով հանդիպման ժամանակ:
«Անհրաժեշտ են պատժամիջոցների նոր փաթեթներ, անընդհատ, ամեն շաբաթ: Բոլոր ամերիկյան ընկերությունները պետք է անհապաղ լքեն Ռուսաստանն ու ռուսական շուկան»,- հայտարարել է Զելենսկին:
Նա հորդորել է նաև արգելել ռուսական ապրանքների ներկրումը:
Զելենսկին շնորհակալություն է հայտնել ամերիկյան իշխանություններին ու անձամբ նախագահ Բայդենին օգնության, մասնավորապես զենք մատակարարելու ու Ռուսաստանի դեմ պատժամիջոցներ մտցնելու հարցում:
