Առանձին հատվածներում շարունակվել են փոխհրաձգություններ, հրթիռա-հրետանային հարվածներ: Ներկա պահին հյուսիսային և հարավային ուղղություններում վերսկսվել են մարտական գործողությունները: ՊԲ ստորաբաժանումները շարունակում են վստահորեն տիրապետել իրադրությանը և իրենց հմուտ գործողություններով ճնշում հակառակորդի ակտիվությունը։
«Փաստ» թերթը գրում է. «Այն, որ Ալիեւը տեղեկատվական բլոկադայի է ենթարկել իր ժողովրդին, գաղտնիք չէ: Ընդ որում, այդպես է ոչ միայն հիմա, այլեւ ընդհանրապես: Սակայն կեղծիքների, ակնհայտ ապատեղեկատվության տարածման առումով այս օրերին թշնամական պետության ղեկավարն ու իր կլանը նորանոր «բարձունքներ» են նվաճում, որպես կանոն՝ մարազմատիկ ու անհեթեթ «հիմնավորումներով»: Խոսքը հատկապես վերաբերում է ադրբեջանական բանակի իբր հաջողություններին, այն դեպքում, երբ հազարավոր զոհեր ունեն, երբ կործանիչ հակահարվածներ են ստանում, երբ զենքի, զրահատեխնիկայի ահռելի կորուստներ ունեն: Փորձագետների տպավորությամբ, բացի սեփական ժողովրդին խաբելուց, այստեղ կարող է երկու այլ պատճառ լինել:
Հոկտեմբերի 7-ին հեռավար կարգով կայացել է Վերակառուցման և զարգացման եվրոպական բանկի (ՎԶԵԲ) Կառավարիչների խորհրդի լիագումար նիստը, որի ընթացքում որոշումներ են ընդունվել կառույցի 2021-2025 թթ. Ռազմավարական և կապիտալի շրջանակի վերաբերյալ և հաստատվել է Բանկի հաշվետվությունը:
«Շատ հպարտ եմ ձեզանով, որովհետեւ մարտական, ռազմական գաղտնիքները տենց ճշգրիտ պահում եք».
Վաղ առավոտյան ժամը 08:30-ի շրջանում հարավային ուղղությամբ հակառակորդը կենտրոնացման շրջանից գրոհի փորձ է ձեռնարկել, սակայն, կորցնելով երեք միավոր ռազմական տեխնիկա և տալով ավելի քան քսան զոհ ու վիրավոր, Ջեբրայիլի մատույցներից գումարտակի կազմով դիմել է փախուստի»։
Արցախի նախկին Մարդու իրավունքների պաշտպան Ռուբեն Մելիքյանը ֆեյսբուքյան իր էջում գրում է. «2016-ի մայիսին Արցախում առիթ ունեցա զրուցել դաշնակցական կամավորականների հետ։ Վաշտերից մեկը, մարտական հերթապահությունն ավարտելով, վերադառնում էր Երևան։ Մի միտք շատ հստակ եմ հիշում։ Միջին տարիքի, սասունցու թեթև բարբառով մի կամավորական ասաց՝ էհ, տղա ջան, շատերն են փորձում իրենք իրենց կամ ուրիշներին համոզել, որ պատրաստ են անգամ կյանքը զոհել հանուն հայրենիքի։
«Հայաստանի Հանրապետւթյունը» ֆեյսբուքյան իր էջում գրում է․ «Արցախում սանձազերծած հերթական պատերազմի մեկնարկի օրվանից երկրաչափական պրոգրեսիայով նվազում է Ադրբեջանի՝ որպես սուվերեն պետության դերը միջազգային հարաբերություններում: Եթե սկզբնական շրջանում Թուրքիան կուլիսներից էր փորձում կառավարել Ադրբեջանը՝ ինչ-որ տեղ վերջինիս թողնելով ինքնավարության դրսեւորման որոշակի էլեմենտներ, ապա այսօր մեր թշնամի պետությունը դա էլ չի կարողանում անել:
Բաքվում Թուրքիայի արտգործնախարարի արած հայտարարությունները՝ հակամարտության կարգավորումը Մոսկվա-Անկարա համատեղ դերակատարությամբ պայմանավորելու, անպայման պիտի արձագանգվեր Ադրբեջանի կողմից։ Եւ այսպես․ Ալիեւը պարզ դարձրեց, որ բանակցությունների դերակատար պետք է դառնա Թուրքիան։ Հայտարարությունը ընդհանուրից դեպի մասնակի առաջադրանքի բանաձեւում է։ Խոսելով «հավերժական խաղաղության» տեսության մասին Ալիեւը շեշտել է, որ արցախյան հակամարտության քաղաքական կարգավորումը պետք է ամրապնդվի աշխարհի առաջատար երկրների երաշխիքներով, ընդ որում, նրանց կազմը կարող է չսահմանափակվել ԵԱՀԿ Մինսկի խմբի համանախագահներ Ռուսաստանի, Ֆրանսիայի և ԱՄՆ-ի կողմից։ Եւ ապա ուղղակի հստակեցրել որ «Անշուշտ, Թուրքիան, որպես մեծ երկիր, որպես մեր հարևան, […]
«Փաստ» օրաթերթը գրում է. «Արդեն ոչ միայն միջազգային մամուլում, այլև տարբեր պետությունների կողմից ամենաբարձր մակարդակով բարձրաձայնվում է այն մասին, որ Արցախում ընթացող պատերազմական գործողություններին թշնամու կողմից կռվում են վարձկաններ, որոնք բերվել են գլխավորապես Սիրիայից, Լիբիայից, Աֆղանստանից։ Թերթն իր նախորդ հրապարակումներում արդեն անդրադարձել էր վարձկանների՝ մեր տարածաշրջան թափանցելու ռիսկերի մասին, և ահա այս առնչությամբ նոր մանրամասներ են հրապարակ գալիս։
Տիգրան Աբրահամյանը ֆեյսբուքյան իր էջում գրում է․ «Պետք է լուծումներ գտնել Ստեփանակերտի և մյուս բնակավայրերի պարբերական հրթիռահրետանային, ավիացիոն հարվածները կանխելու ուղղությամբ։
«Հրապարակ» թերթը գրում է. «Հոկտեմբերի 12-ին ՍԴ-ում աշխատակարգային նիստ է նշանակված, որի օրակարգում կրկին նախագահի եւ փոխնախագահի ընտրության հարցն է դրված։ Հիշեցնենք, որ սեպտեմբերի 23-ին մեկնարկած ՍԴ աշխատակարգային նիստում, որը տեւեց շուրջ 3 օր, այդպես էլ նախագահ չընտրեցին։
Վահրամ Պողոսյանը ֆեյսբուքյան իր էջում գրում է․ «Հայրենական սուրբ պատերազմը շարունակվում է։ Օրը թող բարի լինի մեր բանակի համար»։
«Ժողովուրդ» օրաթերթը գրում է. «Կորոնավիրուսը հետեւանքներ է թողել անշարժ գույքի գների վրա: «Ժողովուրդ» օրաթերթը տեղեկացավ, որ Երեւանում բնակարանների գները զգալի նվազել են: Օրինակ՝ Կենտրոն վարչական շրջանում բնակարանների 1 քմ շուկայական միջին գինը օգոստոս ամսին 630 հազար դրամ էր, իսկ հուլիսին 645 հազար դրամ: Այսինքն՝ 15000 դրամով էժանացել է:
Արցախի տեղեկատվական շտաբը հայտնում է, որ գիշերվա ընթացքում թշնամին շարունակել է հրթիռակոծել Ստեփանակերտը։
«Փաստ» թերթը գրում է․ «Այս օրերին Արցախ աշխարհն ու ողջ հայությունը գտնվում են պարտադրված պատերազմական դրության մեջ, և շատ բնական է, որ մինչ այդ նախանշված շատ գործողություններ և թեմաներ Հայաստանում մղվել են հետին պլան։ Հասկանալի է, որ նման վիճակ է նաև խորհրդարանում, որտեղ մի քանի հերթական ու արտահերթ նիստերի համար մինչ պատերազմն արդեն նախապատրաստած հարցերի ու նախագծերի զգալի մասի քննարկումը հիմա դադարեցվել կամ հետաձգվել է անորոշ ժամկետով:
«Ժողովուրդ» օրաթերթը գրում է․ «Սեպտեմբերի 26-ից ղարաբաղաարդբեջանական սահմանին սկսված պատերազմից և Հայաստանի Կոտայքի մարզում անօդաչու թռչող սարքի խոցումից հետո բոլորը կրկին հիշեցին Երևանում շենքերի նկուղների ոչ բարենպաստ լինելը։
«Ժողովուրդ» թերթը գրում է. Այսօր՝ վաղ առավոտյան, «Արմավիր» քրեակատարողական հիմնարկի 142 դատապարտյալ եւ կալանավոր պատրաստվում են կտրուկ քայլերի դիմել: «Ժողովուրդ» օրաթերթի հետ զրույցում «Արմավիր» քրեակատարողական հիմնարկի 4-րդ մասնաշենքի 36 խցի դատապարտյալ Հրայր Հունանյանը, որը մասնակցել է նաեւ 2016 թվականին տեղի ունեցած ապրիլյան պատերազմին, հայտնեց. «Բոլոր կալավորներով, մի մարդու պես մեր դոշակները, վերմակները խցերից հանելու ենք դուրս, հրաժարվելու ենք սնունդից, քանի որ տեսնելով մեր երկրի վիճակը՝ շատ ենք տանջվում:
«Հրապարակ» թերթը գրում է. «Չնայած ամեն կողմից հնչող հորդոր-կոչերին, Նիկոլ Փաշինյանը դեռեւս չի կիսվում, թե ինչ բանակցություններ են ընթանում դիվանագիտական ճակատում՝ կապված պատերազմի հետ, հեռախոսազրույցների ընթացքում ինչ քննարկումներ է ունենում գերտերությունների ղեկավարների հետ, սակայն քաղաքական-հասարակական շրջանակներում նկատել են, որ հատկապես վերջին երկու օրերին պետական քարոզչամեքենան պրոռուսական տոնայնության մեջ է, իշխանության ազդեցության տակ գտնվող լրատվամիջոցների պատասխանատուներն են անգամ ֆեյսբուքյան իրենց տարածքում տարածում նմանատիպ նյութեր, ինչը նախկինում երբեւէ չէին արել»։
Հայկական կողմը իրականացրել է պատասխան գործողություններ՝ զսպելով հակառակորդի նախահարձակ գործողությունները:
ՀՀ վարչապետ Նիկոլ Փաշինյանը ֆեյսբուքյան իր էջում գրել է. «Օգտվելով տեխնիկական հնարավորություններից՝ կեսգիշերն անց զանգահարում եմ առաջնագծի տարբեր տեղամասեր, զրուցում հրամանատարների, զինվորների հետ։ Այս զանգը արել եմ ընդամենը րոպեներ առաջ։ Մնացածը՝ տեսանյութում»: «Զանգել եմ` ասեմ, որ հպարտանում եմ ձեզանով, սիրում եմ ձեզ, խոնարհվում եմ ձեր ու ձեր կատարած ծառայության առաջ։ Գիտեմ` ինչքան դժվար է։ Գիտեմ, […]
Արցախի Հանրապետության արտաքին գործերի նախարարության աշխատակիցները խորը կսկիծով ընդունեցին իրենց գործընկերոջ՝ Սփյուռքի բաժնի պետ Երվանդ Հաջիյանի նահատակվելու սարսափելի լուրը: Նա զոհվել է առաջնագծում, որտեղ որպես կամավոր մեկնել է Ադրբեջանի կողմից Արցախի դեմ սանձազերծված նոր պատերազմի հենց սկզբից:
ԱՄՆ նախագահի ազգային անվտանգության հարցերով խորհրդական Ռոբերտ Օբրայենը հայտարարել է, որ ԵԱՀԿ Մինսկի խմբի համանախագահության շրջանակներում Լեռնային Ղարաբաղի հակամարտության կարգավորման բանակցությունները ԱՄՆ-ի և Ռուսաստանի միջև համագործակցության օրինակ է:
Հայաստանի և Ղարաբաղի գործողություններերը ԼՂ հակամարտությունում բացարձակապես ինքնապաշտպանական են: Հայկական կողմը որևէ մեկին սպանելու նպատակ չենք ունեցել և չունի, այլ ունի ընդամենը հայ ժողովրդին հերթական ցեղասպանությունից պաշտպանելու, ինքնապաշտպանվելու նպատակ:
Քիմիայի բնագավառում 2020 թվականի Նոբելյան մրցանակի դափնեկիրներ են դարձել Էմանուել Շարպանտիեն (Մաքս Պլանկի ընկերության Ինֆեկցիոն կենսաբանության ինստիտուտ) եւ Ջենիֆեր Դուդնան (Բերքլիի Կալիֆոռնիական համալսարան)՝ «համագենի խմբագրման մեթոդի զարգացման համար»:
Քուվեյթի Էմիր շեյխ Նավաֆ ալ Ահմեդ ալ Ջաբերը հոկտեմբերի 7-ին հայտնել է պետության ղեկավարի պաշտոնում իրեն հաջորդողի անունը:
Պատերազմի 7-րդ օրվա մարտերը չափազանց ծանր էին ե´ւ ադրբեջանական, ե´ւ հայկական կողմի համար: Բավական է ասել, որ նախկին Խորհրդային Միության տարածքում այդ ծավալի բախում չէր եղել Հայրենական պատերազմից հետո: Առհասարակ, այս պատերազմը կարելի է համեմատել միայն Իրանա-իրաքյան պատերազմի եւ 1973-ին արաբական երկրների դեմ Իսրայելի «Ահեղ դատաստանի օրվա» պատերազմի հետ: Այսինքն՝ Մերձավոր, նույնիսկ Միջին Արեւելքում այս պատերազմը իր ուժգնությամբ ու ընդգրկումով 3-րդն է Հայրենական պատերազմից հետո: Եվ մենք այս պատերազմում արնաքամ ենք արել հակառակորդին:
Ֆուտբոլի աշխարհի չեմպիոն գերմանացի Մարիո Գյոտցեն կարիերան կշարունակի Նիդեռլանդներում:
Բրյուսելի իշխանությունները որոշում են ընդունել հոկտեմբերի 8-ից քաղաքում մեկ ամսով փակել սրճարաններն ու բարերը կորոնավիրուսի համավարակի դեմ պայքարի շրջանակում:
Թուրքական լիրան նոր ռեկորդային նվազագույնի է հասել Կովկասում հակամարտության եւ ԱՄՆ հնարավոր պատժամիջոցների մտահոգությունների պատճառով Bloomberg-ի հայտարարությունից հետո այն մասին, որ Անկարան սկսում է ռուսական Ս-400 հրթիռային համակարգի փորձարկումները:
ՀՀ վարչապետ Նիկոլ Փաշինյանը «Euronews»-ին տված հարցազրույցում ընդգծել է, որ Հայաստանն ու Արցախը պատերազմ սկսելու պատճառ չունեն, քանի որ ռազմական խնդիր չունեն լուծելու: Փաշինյանը նշել է, որ ակնհայտ է` ընթացող պատերազմը սկսել է Ադրբեջանը:
