Իրանի նախագահը հայտնել է, որ թույլ չի տա երկրի սահմանների մոտ ահաբեկիչների տեղակայումը
Իրանի Իսլամական Հանրապետության նախագահ Հասան Ռոհանին հայտարարել է, որ թույլ չի տա, որ ահաբեկիչներ տեղակայվեն Իրանի սահմանների մոտ: Այս մասին Ռոհանին ասել է կառավարության նիստի ընթացքում՝ նշելով, որ երկրի քաղաքների ու գյուղերի անվտանգությունը խիստ կարևոր է:
«Հայաստանի ու Ադրբեջանի ղեկավարների հետ հեռախոսազրույցներում ես բարձրացրել եմ Իրանի տարածքների ու սահմանների անվտանգության հարցը»,- հայտնել է Ռոհանին, նշելով, որ այս հակամարտությունը կրակի, պատերազմի ու արյան միջոցով չի լուծվելու:
Իրանի նախագահն ընդգծել է, որ Թեհրանը պատրաստ է աջակցել Լեռնային Ղարաբաղի հակամարտության խաղաղ կարգավորմանը:
