Լեռնային Ղարաբաղի հակամարտությունն այժմ վերաբերում է Հարավային Կովկասի այլ՝ շատ կարևոր հատվածներին. ԵԽ պատգամավոր
«Հակամարտության վերջին բռնկումը շատ լուրջ է ու ավելին է, քան Լեռնային Ղարաբաղի հակամարտություն: Մենք անհապաղ հրադադարի և Մինսկի խմբի ներգրավման կոչ ենք անում, բայց նաև այլ կարևոր խաղացողների, ինչպիսին ԵՄ-ն է»,- Եվրախորհրդարանում այսօր մեկնարկած քննարկման ժամանակ ասաց Եվրոպական Խորհրդարանի պատգամավոր Աննա Ֆոթիգան՝ անդրադառնալով Արցախում արդեն 11 օր շարունակ ծավալվող պատերազմական գործողություններին:
Պատգամավորի խոսքով՝ Հայաստանը վայելում է ռուսական անվտանգային երաշխիքները, որը չի ներառում Լեռնային Ղարաբաղը, քանի որ այն, ըստ լեհ պատգամավոր Աննա Ֆոթիգայի, Ադրբեջանի տարածքի՝ միջազգայնորեն ճանաչված մասն է: Ֆոթիգայի դիտարկմամբ՝ Ադրբեջանն ունի թուրքական աջակցություն:
«Խնդիրն այն է, որ հակամարտությունն այժմ վերաբերում է Հարավային Կովկասի այլ՝ շատ կարևոր հատվածներին, որոնք ներառում են նավթի խողովակաշար, գազի խողովակաշար, երթուղիներ, երկաթգծեր, որով կարող է ռուսական ազդեցությունը հաստատվել Եվրոպայի վրա:
Մենք պետք է հետևենք սրան: Մենք պետք է տեսնենք ամբողջական պատկերը»,- ելույթն ավարտելով՝ ասաց ԵԽ պատգամավոր Աննա Ֆոթիգան:
Մանրամասները՝ 168.am-ի տեսանյութում
