«Համով տնակ» սննդի կետում հրդեհ է բռնկվել. կան տուժածներ
Հուլիսի 22-ին, ժամը 23։09-ին Ճգնաժամային կառավարման ազգային կենտրոն ահազանգ է ստացվել, որ Առինջ գյուղի «Տնակ» սննդի կետի ներսում այրվում է ֆրի պատրաստելու սարք։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ հրդեհը բռնկվել է Աճառյան փողոցի թիվ 22/10 հասցեում գտնվող «Համով տնակ» սննդի կետում։
Հրդեհը մարվել է տեղի ուժերով։ Այրվել են ճարպաջեռոց և կախովի առաստաղ (16 քմ)։
Փրկարարների օգնությամբ տուժած քաղաքացիներն (Դավիթ Ա․, ծնված 1991 թ․ և Մարտին Հ․, ծնված 1996 թ․) իրենց անձնական ավտոմեքենայով մեկնել են Աբովյան քաղաքի ԲԿ, որտեղ ստանալով համապատասխան բուժօգնություն՝ դուրս են գրվել։
