Ադրբեջանում ՈՒԱԶ-ի վթարի հետևանքով սահմանապահ ծառայության գնդապետ է զոհվել
Ադրբեջանի Ղուբայի շրջանում «Խուդաթ» ծառայության սահմանապահ զորամասի մոտ ՈՒԱԶ մակնիշի զինվորական ավտոմեքենայի վթարի հետևանքով սահմանապահ ծառայության գնդապետ է զոհվել:
Այս մասին հայտնում են ադրբեջանական լրատվամիջոցները` հղում անելով Ադրբեջանի պետական սահմանապահ ծառայության մամուլի ծառայությանը:
Ծառայությունը հայտնում է, որ վթարի հետևանքով մահացել է զորամասի շտաբի պետ, գնդապետ Միրզոև Շահին Իբրահիմ օղլուն:
Այլ զինծառայողներ ստացել են տարբեր մարմնական վնասվածքներ:
