Պրեմիեր լիգայի վերսկսման ժամկետներ են նախանշվում
Անգլիայի ֆուտբոլի առաջնության վերսկսման հստակ ժամկետներ են քննարկվում: Այս մասին գրում է The Telegraph-ը: Ըստ պարբերականի, առաջնությունը կարող է վերսկսվել հունիսի 12-ին: Սակայն կազմակերպիչներն առաջնահերթ են համարում առաջնության ընթացքում անվտանգության բոլոր նորմերի պահպանումը:
Ավելի վաղ հայտնի էր դարձել, որ անգլիական Պրեմիեր լիգան ներկայացնող ակումբները կողմ են մրցաշրջանը վերսկսելուն:
Այժմ Պրեմիեր լիգայի կազմակերպիչներն աշխատանքներ են տանում կառավարությունից թույլտվություն ստանալու ուղղությամբ: Անգլիայում մարզումային գործընթացը կարող է սկսվել մայիսի 18-ին:
