Կոտրել էր համագյուղացու մեքենայի ապակին ու բակից գողություն արել․ կասկածվողը հայտնաբերվել է

Մայիսի 2-ին, ժամը 11-ի սահմաններում, Վերին Դվին գյուղի մի բնակիչ ոստիկանության Արտաշատի բաժնում հաղորդում էր տվել, որ գիշերը վնասել են տան դիմաց կայանած իր մեքենան:

Օպերատիվ խումբը մեկնեց դեպքի վայր: Պարզվեց` ժամը 1-ից մինչև 8-ն ընկած ժամանակահատվածում ինչ-որ մեկը կոտրել էր տուժողի «Լադա Գրանդա» մակնիշի մեքենայի պատուհանը, բացել շարժիչի կափարիչը և գողանալու հարմար բան չգտնելով՝ տան բակից հափշտակել էր տանտիրոջ բենզասղոցն ու փախել:

Բացահայտման ուղղությամբ ձեռնարկված անհրաժեշտ միջոցառումներով քրեական հետախույզները տեղեկություններ ստացան, որ գողությունը հնարավոր է կատարած լինի նույն գյուղի 44-ամյա մի բնակիչ:
Ժամը 16.30-ի սահմաններում կասկածվողը բերման ենթարկվեց ոստիկանության Արտաշատի բաժին և տվեց խոստովանական բացատրություն:

Գողոնը հայտնաբերվել է:
Հանգամանքները պարզվում են:
Փաստի առթիվ նախապատրաստվում են նյութեր