««Մանչեսթեր Յունայթեդը» խաղում է իր հնարավորությունների միայն 50%-ով»․ Ռեշֆորդ
«Մանչեսթեր Յունայթեդի» հարձակվող Մարկուս Ռեշֆորդը խոսել է Անգլիայի լիգայի գավաթի խաղարկության կիսաեզրափակչի առաջին խաղում «Մանչեսթեր Սիթիին» պարտվելու մասին (1։3):
«Ոչ ոք չի ցանկանում պարտվել: Ոչ ոք դաշտ չի մտնում պարտվելու համար: Չեմ կարծում, որ սա խնդիր է:
Բոլորը գիտեն, որ մենք ուզում ենք հաղթել: Թիմը պայքարում է, մենք պետք է շարունակենք դա անել: Իրավիճակը կարող էր ավելի լավը լինել:
Մենք հավանաբար խաղում ենք մեր հնարավորությունների միայն 50%-ով։ Մենք պետք է շարունակենք պայքարել, որպեսզի հասնենք այն առաջընթացին, որը թույլ կտա թիմին հաղթել»,- ասել է Ռեշֆորդը:
Անգլիայի առաջնության վերջին տուրում «Մանչեսթեր Յունայթեդը» հաղթեց «Նորվիչին» 4։0 հաշվով։
Սիրարփի Աղաբաբյան
