«Քանի դեռ չկա հրամանագիր, այդ հարցերով մեկնաբանություն չենք անում». Աննա Նաղդալյանը՝ դիվանագիտական փոփոխությունների մասին
«Հրապարակ» օրաթերթը օրերս տեղեկացրել էր դիվանագիտական ոլորտում սպասվող փոփոխությունների մասին: Թերթի տեղեկություններով, մասնավորապես, պաշտոնաթողություն է սպասվում Իտալիայում դեսպան Վիկտորիա Բաղդասարյանին, որը նշանակվել էր 2016-ին։
«Իտալիա Նիկոլ Փաշինյանի այցի ձախողումը «կոտրել» են դեսպանի վրա։ Նրա փոխարեն, մեր տվյալներով, կնշանակվի ՀՀ վարչապետի «աշխատակազմի արտաքին կապերի վարչության պետ Ծովինար Համբարձումյանը, որը ՀՀ նախագահի աշխատակազմում է աշխատել 1995 թ․»,- նշված էր հրապարակման մեջ:
Այս փոփոխությունների մասին 168.am-ը փորձեց տեղեկանալ ՀՀ ԱԳՆ մամուլի խոսնակ Աննա Նաղդալյանից, ով, սակայն, նշեց, որ ոչ հավաստի աղբյուրների վրա հիմնված տեղեկությունը չեն մեկնաբանում:
Դիվանագիտական փոփոխությունների մասին էլ եղավ հակիրճ.
«Ինչ վերաբերում է դեսպանների փոփոխմանը, կամ որևէ ռոտացիոն հարցերի, քանի դեռ չկա հրամանագիր, մենք այդ հարցերով որևէ մեկնաբանություն չենք անում»:
