Samsung Galaxy S11-ը կկարողանա «տեսնել» մթության մեջ

Սմարթֆոնի տեսախցիկը կստանա հատուկ սենսոր:

Samsung-ը գրանցել է Bright Night Sensor ապրանքային նշանը Եվրամիության մտավոր սեփականության գրասենյակում: Սա անուղղակիորեն կարող է ակնարկել Galaxy S11 չհայտարարված ֆլագմենային շարքի նոր տեսախցիկների առանձնահատկությունները: Այդ մասին հայտնում է LetsGoDigital-ը:

Սկզբնապես՝ Bright Night անվանումը ստացել է գիշերային ռեժիմը Samsung Galaxy S10-ում, բայց ընկերությունը այլևս չի օգտագործում այս տերմինը:

Bright Night Sensor-ը կլինի լիարժեք սենսոր Samsung-ի նոր սմարթֆոնների խցիկում: Ճիշտ է, փաստաթղթերը չեն տալիս այլ մանրամասներ տեխնոլոգիայի մասին, բացի այն, որ դա «սմարթֆոնի համար պատկերի ցուցիչ է»:

Նախատեսվում է, որ Samsung Galaxy S11-ի տեսախցիկը շատ բարելավումներ կունենա նախորդ սերնդի համեմատ: Նոր սմարթֆոնները պետք է ստանան սենսոր՝ 108 մեգապիքսել՝ Bright HMX-ով, ինչը թույլ կտա լուսանկարել շատ մանրամասն, ինչպես նաև ձայնագրել տեսանյութը 8K լուծույթով: Բացի այդ, գադջեթը կստանա հեռաֆոտո ոսպնյակ՝ հինգ անգամ խոշորացումով:

Ավելի վաղ @OnLeaks ինսայդերը հրապարակել էր Samsung Galaxy S11 +-ի պատկերները: Սմարթֆոնի մասին առաջին տեղեկություններից հայտնի դարձավ, որ այն միանգամից կստանա հինգ տեսախցիկ ՝ չհաշված դիմային տեսախցիկը։

Galaxy S11 +-ը, ինչպես շարքի մյուս մոդելները, կստանա նոր դիզայն. ֆոտոխցիկի մոդուլը գտնվում է վերին ձախ անկյունում:

Սմարթֆոնը կունենա 6.9 դյույմ անկյունագծով հսկայական էկրան: Շրջանակները նորից կկրճատվեն, առջևի խցիկի համար նախատեսված անցքը նույնպես ավելի քիչ տեղ կզբաղեցնի: Մատնահետքերի սկաները ներդրվելու է էկրանում:

Մյուս հատկանիշներով Galaxy S11 +-ը կլինի ստանդարտ ֆլագմեն։ Սմարթֆոնը կունենա Snapdragon 865 կամ Exynos 990 պրոցեսոր, 8 ԳԲ օպերացիոն հիշողություն և 256 ԳԲ մշտական հիշողություն: Սմարթֆոնը պետք է ունենա microSD քարտի բնիկ:

Սիրարփի Աղաբաբյան