Պոգբան ապաքինվել է վնասվածքից, բայց չի ցանկանում խաղալ «Մանչեսթեր Յունայթեդի» կազմում
«Մանչեսթեր Յունայթեդի» ֆրանսիացի կիսապաշտպան Պոլ Պոգբան կարող է լքել ակումբը ձմեռային տրանսֆերային պատուհանի ընթացքում:
Ըստ իսպանական Cope ռադիոկայանի՝ Պոգբան ապաքինվել է վնասվածքից, որի պատճառով նա բաց է թողել մոտ երկու ամիս, բայց չի ցանկանում խաղալ «կարմիր սատանաների» կազմում: Այս կապակցությամբ «Մանչեսթեր Յունայթեդի» գլխավոր մարզիչ Օլե-Գունար Սուլշերը պատրաստ է դիտարկել ֆուտբոլիստին վաճառելու տարբերակը:
Պատրաստեց Անի Գաբուզյանը
