Մերկելն անհրաժեշտ է համարել բարիդրացիական հարաբերություններ պահպանել ԳԴՀ-ի ու Ռուսաստանի միջև
Գերմանիան Ռուսաստանի հետ բարիդրացիական հարաբերությունների կարիքն ունի, չնայած վիճելի հարցերին: Այդ մասին նոյեմբերի 22-ին հայտարարել է ԳԴՀ-ի կանցլեր Անգելա Մերկելը՝ Լայպցիգում ելույթ ունենալով Քրիստոնեադեմոկրատական միության համագումարում: Հեռարձակումն իրականացրել են գերամանական հեռուստաալիքները։
Մերկելի խոսքով՝ Բեռլինը շահագրգռված է «Ռուսաստանի հետ լավ հարեւանությամբ»: «Դա մեր շահերից է բխում, չնայած այն բոլոր բարդություններին, որոնց մենք բախվել ենք»,-նշել է Գերմանիայի կառավարության ղեկավարը, հաղորդել է ՏԱՍՍ-ը:
