Ռուսաստանում ձերբակալել են «Հիզբ ութ-Թահրիր» խմբավորման երկու պարագլխի և յոթ անդամի
ՌԴ Անվտանգության դաշնային ծառայությունը (ԱԴԾ) հայտնել է Ռուսաստանում արգելված «Հիզբ ութ-Թահրիր ալ-Իսլամի» միջազգային ահաբեկչական կազմակերպության երկու պարագլխի եւ յոթ անդամի ձերբակալման մասին։
ԱԴԾ-ի հասարակայնության հետ կապերի կենտրոնում «Ինտերֆաքս»-ի համար ճշտել են, որ հատուկ գործողությունն իրականացվել է Մոսկվայում, Թաթարստանում եւ Տյումենի մարզում: Ձերբակալվածների բնակության վայրերում առգրավվել են ՌԴ-ում արգելված «Հիզբ ութ-Թահրիր»-ի մեծ քանակությամբ քարոզչական նյութեր, կապի միջոցներ եւ տեղեկատվության էլեկտրոնային կրիչներ:
ԱԴԾ-ում պարզել են, որ խմբավորման անդամներն զբաղվում էին «հակասահմանադրական գործունեությամբ՝ հիմնված այսպես կոչված «համաշխարհային խալիֆայության» ստեղծման դոկտրինի վրա»:
