Թուրքիայի համար Հայոց Ցեղասպանությունը ճանաչող բանաձևի ընդունումը առոչինչ է. Թուրքիայի ԱԳՆ

Պաշտոնական Անկարան դատապարտել է ԱՄՆ Ներկայացուցիչների պալատի կողմից Հայոց Ցեղասպանությունը ճանաչող բանաձևի ընդունումը՝ նշելով, որ այս որոշումը ոչ մի նշանակություն չունի Թուրքիայի կառավարության և ժողովրդի համար:

Քվեարկությունից րոպեներ անց Թուրքիայի արտգործնախարար Մևլութ Չավուշօղլուն գրառում է կատարել թվիթերյան իր էջում՝ Միացյալ Նահանգների Ներկայացուցիչների պալատի քվեարկությունը կապելով Սիրիայի հյուսիսում Թուրքիայի իրականացրած ռազմական գործողությունների հետ:

«Նրանք, որոնց ծրագրերը ձախողվել էին, դիմում են հնաոճ բանաձևերի օգնությանը: Այն շրջանակները, որոնք հավատում են, թե այս կերպ կարող են վրեժ լուծել՝ սխալվում են: Պատմությունը քաղաքական նպատակներով օգտագործելու այս ամոթալի որոշումն առոչինչ է մեր կառավարության և ժողովրդի համար»,- գրել է Չավուշօղլուն:

Ruined big game
w/#OperationPeaceSpring. Those whose projects were frustrated turn to antiquated resolutions.Circles believing that they will take revenge this way are mistaken.This shameful decision of those exploiting history in politics is null&void for our Government&people.

— Mevlüt Çavuşoğlu (@MevlutCavusoglu) October 29, 2019

ԱՔՍԱՆՆԱ ՀԱՅՐԱՊԵՏՅԱՆ