Կարեն Խաչատրյանի խափանման միջոցի փոփոխության հարցի քննությունը հետաձգվել է
ՀՀ Ֆինանսների նախկին նախարար Գագիկ Խաչատրյանի եղբորորդու` Պետեկամուտների կոմիտեի (ՊԵԿ) նախկին բարձրաստիճան պաշտոնյա Կարեն Խաչատրյանի խափանման միջոց կալանքը գրավով փոխարինելու հարցի քննությունը հետաձգվել է մինչև ս/թ հոկտեմբերի 22-ը` ժամը 16:30-ը: Այս մասին 168.am-ի հետ զրույցում հայտնեց վերջինիս պաշտպան Ամրամ Մակինյանը։
«Վարույթն իրականացնող մարմինը կալանքը երկարացնելու միջնորդություն է ներկայացրել, և երկու միջնորդությունները կքննվեն միասին»,-ասաց պաշտպանը` հավելելով, որ դրանով է պայմանավորված գրավի միջնորդության քննության հարցը։ Գործը քննելու է դատավոր Ռոբերտ Պապոյանը։ Հիշեցնենք, որ սա այն նույն դատավորն է, ով Կարեն Խաչատրյանի խափանման միջոցը կալանք էր որոշել։ Գոհար Սավզյան
