Հրդեհ է բռնկվել «Մողոս» կոչվող հանդամասին հարակից անտառում
Հոկտեմբերի 18-ին, ժամը 10:37-ին «911» ծառայություն տեղեկություն է հաղորդվել, որ Տավուշի մարզի Բերդ համայնքի «Եղիշավան» սարում այրվում է անտառ:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ հրդեհը բռնկվել է «Մողոս» կոչվող հանդամասին հարակից անտառում:
Հրդեհը մեկուսացվել է ժամը 13:40-ին, մարվել՝ 14:15-ին:
Այրվել են մոտ 4 հա անտառամիջյան տերևներ և 20 ծառ:
Հրդեհաշիջման աշխատանքներին մասնակցել է «Հայանտառ» ՊՈԱԿ-ի Արծվաբերդի անտառտնտեսության 8 աշխատակից:
