«Արսենալի» լեգենդը Մխիթարյանի՝ Բաքու չմեկնելը որակել է «խայտառակություն»
Հայ կիսապաշտպան Հենրիխ Մխիթարյանի՝ Եվրոպա լիգայի եզրափակչին չմասնակցելու հարցը լուծվել է, սակայն քննարկումները չեն դադարում:
Մխիթարյանն ու ակումբը հայտնեցին, որ ֆուտբոլիստի անձնական դրդապատճառներով Մխիթարյանը չի մեկնի Բաքու:
Մխիթարյանի որոշումից հետո թե՛ ակումբի երկրպագուները, թե լրագրողները և թե՛ ֆուտբոլային գործիչները քննադատեցին ՈՒԵՖԱ-ին նրա համար, որ իրենք չեն կարողացել լուծել Մխիթարյանի խնդիրը, և հայ ֆուտբոլիստն անվտանգության երաշխիքներ չի ունեցել: Ադրբեջանի ԱԳՆ-ն հայտարարել , որ ֆուտբոլիստը խնդիրներ չի ունենա, սակայն Հենրիխ Մխիթարյանի անվտանգությունը դաշտում ապահովել չի լինի, քանի որ մարզադաշտում լինելու են հազարավոր ադրբեջանցիներ, ովքեր չեն ուզում իրենց երկրում տեսնել հայ ֆուտբոլիստին:
«Արսենալի» լեգենդներից մեկը՝ Յան Ռայթը, տեղեկանալով հայ ֆուտբոլիստի շուրջ տեղի ունեցող իրադարձություններին, քննադատել է ՈՒԵՖԱ-ին՝ որակելով իրավիճակը՝ որպես «խայտառակություն»:
Ռայթը նշել է, որ ՈՒԵՖԱ-ն իրավունք չուներ նման բան թույլ տալ, և ինքը վախենում է նաև լոնդոնյան ակումբի երկրպագուների համար:
Հիշեցնենք, որ խնդիր կար նաև «Արսենալի» երկրպագուների հետ կապված: Հսկայական մարզադաշտում «Արսենալին» տրվել է ընդամենը 6000 տոմս:
Սիրարփի Աղաբաբյան
