Boeing-ը 737 MAX-ի համար ծրագրային ապահովման նորացումը կավարտի «առաջիկա շաբաթներին»
ԱՄՆ-ի Քաղաքացիական ավիացիայի դաշնային վարչությունը (FAA) ապրիլի 1-ին հայտարարել է, թե ակնկալում է, որ Boeing-ն իր 737 MAX ինքնաթիռների համար նորացված ծրագրային ապահովումը կառաջարկի «առաջիկա շաբաթների» ընթացքում
«FAA-ն հույս ունի հաստատման համար Boeing-ի նորացված ծրագրային ապահովման վերջնական փաթեթն ստանալու առաջիկա շաբաթներին»,- ասված է ավիակարգավորիչի կայքում հրապարակված հայտարարության մեջ:
Boeing-737 MAX-ի անվտանգությունը կասկածի տակ դրվեց այն բանից հետո, երբ այդ տիպի ինքնաթիռները երկու աղետի ենթարկվեցին հինգ ամսից պակաս ժամանակամիջոցում, հաղորդել է «Ինտերֆաքսը»:
