Ռուսաստանում ՄԻ-8 ուղղաթիռի վթարի հետևանքով զոհված 15 անձանցից 5-ը «ՌՆ- Վանկոր» ընկերության աշխատակիցներ են
Կրասնոյարսկի երկրամասում ՄԻ-8 ուղղաթիռի վթարի հետևանքով զոհված 15 անձանցից 5-ը «Ռոսնեֆտ» կազմակերպության դուստր «ՌՆ-Վանկոր» ընկերության աշխատակիցներ են եղել: Այս մասին ՏԱՍՍ-ին հայտնել է ընկերության ներկայացուցիչը:
«Զոհվածներից 5-ը մերոնցից են եղել, մյուսները՝ կապալառուներ, ևս 3-ը՝ անձնակազմի անդամներ»,- ասել է նա՝ ճշտելով, որ աշխատողները եղել ՌԴ տարբեր տարածաշրջաններից:
«UTair» ավիաընկերությանը պատկանող ՄԻ-8 ուղաթիռը, որն իրականացնում էր Վանկոր-Պուրպե չվերթը, կործանվել է թռիչքի կետից ոչ հեռու` Կրասնոյարսկի երկրամասի հյուսիս-արևմուտքում գտնվող Տուրուխանսկի շրջանում: Նախնական տեղեկություններով՝ այն բախվել է մեկ այլ` բեռնատար ուղղաթիռի: Օդանավում եղել են անձնակազմի 3 անդամները և 15 ուղևորներ` «ՌՆ-Վանկոր» և այլ կազմակերպությունների աշխատակիցներ, որոնք բոլորը զոհվել են:
https://www.instagram.com/p/BmC92jTHBrP/?utm_source=ig_embed&utm_campaign=embed_loading_state_control
