Քադիրովը պատրաստ է Չեչնիայից լրացուցիչ զորք ուղարկել Սիրիա
Չեչնիայի Հանրապետության ղեկավար Ռամզան Քադիրովը հայտարարել է, որ պատրաստ է ավելացնել չեչեն այն զինվորականների թիվը, որոնք առաջադրանքներ են կատարում Սիրիայում։
«Այո՛, իհարկե»,- ասել է Քադիրովն ապրիլի 24-ին «Ռոսիա-24» հեռուստաալիքի եթերում՝ պատասխանելով այն հարցին, թե ինքը պատրաստ է արդյոք Սիրիայում ավելացնել չենչեն զինվորականների թիվը: Նա նշել է, որ Սիրիայում այժմ էլ գտնվում են չեչենական մարտական ստորաբաժանումներ:
«Այո, անշուշտ, կան: Ամենալավ մարտիկները, որոնք երկու ռազմարշավներ են անցել, նրանց 90 տոկոսը, նրանք այնտեղ են, եւ պատրաստ են դրա համար կրկին մեկնել, գնդեր, գումարտակներ, բրիգադներ»,- ասել է նա, հաղորդել է «Ինտերֆաքս»-ը:
