4 կարևոր նշան, որոնք վկայում են արյան վատ շրջանառության մասին
Արյան շրջանառությունն ապահովում է օրգանիզմի կենսագործունեությունը։ Դրա շնորհիվ օրգանները, մկաններն ու ոսկորները ստանում են անհրաժեշտ սնուցում։ Steptohealth.ru-ի հաղորդմամբ՝ արյան շրջանառության խանգարման դեպքում օրգանիզմին կարող է լուրջ վտանգ սպառնալ։ Արյան շրջանառությունը խանգարվում է աստիճանաբար, այդ պրոցեսն ուղեկցվում է նշաններով, որոնք հնարավոր է ժամանակին նկատել և կանխարգելել բարդությունների առաջացումը։
Ծակոցի զգացում ոտքերում և ձեռքերում։ Այս զգացումը հիմնականում առաջանում է երկար ժամանակ նույն դիրքում մնալու հետևանքով։ Սովորաբար ծակոցներ զգացվում են ոտքերում, սակայն վերջին ժամանակներում դրանք նկատվում են նաև ձեռքերում, ինչը, ամենայն հավանականությամբ, պայմանավորված է բջջային հեռախոսների օգտագործմամբ։ Շարժվելը կօգնի լավացնել արյան շրջանառությունը, անշարժ դիրքում մնալը՝ հակառակը։
Հարկավոր է օրվա ընթացքում նվազագույնը 30 րոպե քայլել։ Ֆիզիկական ակտիվությունը ստիպում է մկաններին լարվել, ինչն ակտիվացնում է նյութափոխանակությունը։
Ոտքերի այտուցվածություն։ Այս կերպ օրգանիզմը փորձում է վերականգնել հավասարակշռությունը, տեղի է ունենում հեղուկի կուտակում։ Արդյունքում՝ առաջանում է բորբոքում, ցավ, ոտքերի թմրածություն։ Այս նշանների առկայության դեպքում անհրաժեշտ է դիմել մասնագետի օգնությանը։ Որպեսզի ավելորդ հեղուկը դուրս գա օրգանիզմից, շատ ջուր խմեք։
Հոգնածություն։ Արյունն օրգանիզմն ապահովում է անհրաժեշտ սննդարար նյութերով, որոնց մեծ մասը վերածվում է էներգիայի։ Եթե մարմնի որոշ մասերին քիչ արյուն է հասնում, այն չի կարողանում էներգիան ծախսել նորմալ ռեժիմով, և մարդը հոգնածություն է զգում նույնիսկ փոքր ծանրաբեռնվածության դեպքում։ Մկանները չեն կարողանում հաղթահարել լարվածությունը, աշխատում են արագացված ռեժիմով, հյուծվածությունը մեծանում է։ Արդյունքում՝ մարդն անընդհատ հոգնածություն է զգում, ինչը սահմանափակում է նրա ակտիվությունը։
Մշտական հոգնածության պատճառը կօգնի հասկանալ բժիշկը։ Ամեն դեպքում կարող եք մթերք օգտագործել, որը կօգնի էներգիա ստանալ։
Մազաթափություն։ Ալոպեցիան միայն տղամարդկանց շրջանում չի հանդիպում։ Իհարկե, կանանց շրջանում այս խնդիրը հազվադեպ է նկատվում, սակայն արյան վատ շրջանառության հետևանքով կանանց մազերը ևս կարող են թափվել։ Մազերի ամրության համար սննդարար նյութեր են հարկավոր, իսկ եթե արյան շրջանառությունը վատանում է, վատանում է նաև դրանց վիճակը։ Այդ դեպքում մազերը չորանում են, իսկ դրանց ծայրերը՝ կոտրվում։
Նյութը հրապարակման պատրաստեց 168.am-ը
