ԱՄՆ-ի ոստիկանությունը բազմության մեջ կնույնականացնի մադկանց՝ օգտագործելով արհեստական ինտելեկտ. WSJ
Մեթոդները, որոնք Միացյալ Նահանգների ընկերությունները մշակում են իրավապահ մարմինների համար, կօգնեն բազմության մեջ գործնականում վայրկենապես որոշել հետախուզման մեջ գտնվող անձանց:
Ինչպես ապրիլի 4-ին հայտնել է The Wall Street Journal (WSJ) թերթը, ենթադրվում է արհեստական ինտելեկտով հանդերձված համակարգերն օգտագործել իրական ժամանակի ռեժիմով տեսահսկման փողոցային խցիկներից եւ դյուրակիր խցիկներից, որոնք կրում են ոստիկանները, ստացվող տեսողական տեղեկատվության վերլուծության համար։
Անհատական վեբ-խցիկների օգտագործմամբ նույնականացման այս համակարգն ստեղծում են Չիկագոյի Motorola Solutions ընկերությունը եւ արհեստական ինտելեկտի տարրերով համակարգերի մշակման Neurala ընկերությունը: Այն կարող է պատրաստ լինել արդեն 2018 թվականի աշնանը եւ ունակ կլինի բազմության մեջ նկատել հետախուզման մեջ գտնվող մարդուն կամ կորած երեխային, հաղորդել է ՏԱՍՍ-ը:
