Միացյալ Նահանգները կողմ է ԼՂ հակամարտության խաղաղ կարգավորմանը. դեսպան
Միացյալ Նահանգները կողմ է Լեռնային Ղարաբաղի հակամարտության խաղաղ կարգավորմանը: Ինչպես հաղորդում է ադրբեջանական ԱՊԱ գործակալությունը, այս միտքը հերթական անգամ հայտնել է Ադրբեջանում ԱՄՆ դեսպան Ռոբերտ Սեկուտան:
Անդրադառնալով Ադրբեջանի և Հայաստանի նախագահների միջև տեղի ունեցած վերջին հանդիպմանը՝ Սեկուտան ասել է. «Մենք աջակցում ենք Ադրբեջանի ու Հայաստանի ղեկավարների հանդիպման կազմակերպմանը, և այդ աշխատանքը շարունակվում է: Հուսով ենք, որ հակամարտությունը կկարգավորվի խաղաղ ճանապարհով: Նման լուծումն անչափ կարևոր է»:
