ՊՍԺ-ն կարող է նշանառության տակ առնել Կոուտինիոյին, եթե չկարողանա գնել Մբապեին
Ինչպես հաղորդում է L’Equipe-ը, ՊՍԺ-ն կարող է նշանառության տակ առնել «Լիվերպուլի» կիսապաշտպան Ֆիլիպե Կոուտինիոյին, եթե չկայանա Կիլիան Մբապեի տեղափոխությունը «Մոնակոյից»:
Փարիզյան ակումբը դեռ կոնկրետ առաջարկ չի արել «Մոնակոյին» ֆուտբոլիստի վերաբերյալ, ում պայմանագիրը դեռ ուժի մեջ է ևս երկու տարի:
Մբապեի հայրը նույնպես փորձում է համոզել որդուն տեղափոխվել ՊՍԺ՝ իրենց հարազատ քաղաքի ակումբ: Սակայն ֆուտբոլիստն ինքը դեռ չի կողմնորոշվել իր ապագայի հարցում:
Ընդ որում հաղորդվել էր, որ «Լիվերպուլը» Կոուտինիոյի համար պահանջել է 100 մլն եվրո:
Պատրաստեց Անի Գաբուզյանը
