««Արսենալը» չի կարող Ալեքսիս Սանչեսին շաբաթական 354 հազար եվրո վճարել». Արսեն Վենգեր
Ֆրանսիացին չի ցանկանում խախտել ակումբային ավանդույթները:
«Արսենալի» գլխավոր մարզիչը համաձայն չէ ղեկավարների ցանկության հետ, որն է երկարաձգել չիլիացու պայմանագիրը ԱՊԼ-ի համար ռեկորդային՝ շաբաթական 354 հազար եվրո աշխատավարձով:
«Որոշներն ինձ խորհուրդ են տալիս համաձայնվել Սանչեսի պահանջերի հետ: Այդ դեպքում, մենք չենք կարող պահպանել համակարգը և խնդիրներ կունենանք: Ես հասկանում եմ, որ առանցքային ֆուտբոլիստները նշանակություն ունեն, բայց նույնիսկ նրանց չի կարելի վճարել ավելի, քան մենք կարող ենք մեզ թույլ տալ»,- հայտարարել է Վենգերը, ում խոսքերն է մեջբերում Mirror-ը:
ԱՊԼ-ի 2016-17թթ. մրցաշրջանում անցկացրած 32 խաղերում Սանչեսը դարձել է 18 գոլի և 10 փոխանցման հեղինակ:
Transfermarkt-ը 28-ամյա չիլիացուն գնահատում է 65 մլն եվրո:
Պատրաստեց Անի Գաբուզյանը
