Բաուսան հեռացվեց Արգենտինայի հավաքականի գլխավոր մարզչի պաշտոնից
Արգենտինայի ֆուտբոլային ասոցիացիայի նախագահ Կլաուդիո Տապիան հայտարարել է ազգային թիմի գլխավոր մարզչի պաշտոնից Էդգարդո Բաուսայի հեռացման մասին:
«Մենք Բաուսայի հետ հասանք համաձայնության այն հարցի վերաբերյալ, որ նա դադարեցնում է աշխատանքը գլխավոր մարզչի պաշտոնում»,- ասել է Տապիան:
Բաուսան գլխավորել է Արգենտինայի հավաքականն անցյալ տարվա օգոստոսին:
2018թ. Աշխարհի առաջնության որակավորման փուլում անցկացրած 14 տուրերից հետո թիմը գրավում է 5-րդ տեղը, ինչն իրավունք է տալիս հանդիպել Օկեանիայի ներկայացուցիչների հետ:
Ավելի վաղ հայտնի էր դարձել, որ «Սևիլիայի» գլխավոր մարզիչ Խորխե Սամպաոլին Արգենտինայի հավաքականը գլխավորելու վերաբերյալ սկզբունքային համաձայնություն էր տվել:
Պատրաստեց Անի Գաբուզյանը
