ՄԱԿ-ի ԱԽ-ն քննարկելու է ԱՄՆ-ի հրթիռահարվածները Սիրիային
ՄԱԿ-ի Անվտանգության խորհուրդն ապրիլի 7-ի նիստում քննարկելու է ԱՄՆ-ի հրթիռահարվածները Սիրիային։ Ինչպես սպասվում է, նիստը կմեկնարկի Երեւանի ժամանակով ժամը 19:30-ին:
Ավելի վաղ հաղորդվել է, որ ԱՄՆ-ը լույս ապրիլի 7-ի գիշերը «Թոմահավք» հրթիռներով հարվածէ հասցրել Սիրիայի Հոմսի նահանգի օդակայանին, ինչը դարձել է Միացյալ Նահանգների առաջին ուղղակի գրոհը Սիրիայի կառավարական զորքերի դիրքերի վրա եւ ԱՄՆ-ի նախագահ Դոնալդ Թրամփի ամենաարմատական ռազմական որոշումը պաշտոնակալությունից հետո:
Ռուսաստանի ԱԳ նախարարությունը ՄԱԿ-ի Անվտանգության խորհրդից պահանջել է արտահերթ նիստ անցկացնել ստեղծված իրադրությունը քննարկելու համար, հաղորդել է «Ինտերֆաքս» գործակալությունը:
