Մահացել է Իկուտարո Կակեհասին

87 տարեկան հասակում վախճանվել է էլեկտրոնային երաժշտական գործիքներ արտադրող Roland Corporation ընկերության հիմնադիր, ճապոնացի ինժեներ Իկուտարո Կակեհասին, տեղեկացնում է BBC­-ին:

1972 թվականին Կակեհասին հիմնել է Roland ընկերությունը, որն արագորեն դարձել է համաշխարհային առաջատարներից մեկն էլեկտրոնային երաժշտական գործիքների եւ վերահսկիչների մշակման եւ արտադրության բնագավառում:

Կակեհասին, այլ բաների թվում, ստեղծել է մի շարք մեծ ժողովրդականություն վայելող դրամ­ մեքենաներ, այդ թվում՝ հռչակավոր TR­808­-ը, որն օգտագործել են հայտնի շատ երաժիշտներ՝ Մարվին Գեյից մինչեւ Քանյե Ուեսթը: TR­808-­ը մինչ օրս ակտիվորեն կիրառվում է հիփ­հոփում, էլեկտրոյում, մինիմալ­տեխնոյում եւ Էլեկտրոնային պարային երաժշտության շատ այլ ձեւերում:

Այսօր Roland ընկերությունն ստեղծում է համակարգչային ծրագրեր, ինչպես նաեւ ծրագրեր iPad-­ի եւ iPhone-­ի համար, որոնք կողմնորոշված են դեպի սիրող­երաժիշտները:

2013 թվականին Կակեհասին ստացել է «Գրեմի» մրցանակ՝ երաժշտական տեխնոլոգիաների զարգացման բնագավառում ներդրած ավանդի համար։