Մարտ 2016

«Սկարբեկի Մաքս Ռոս փողոցում ահաբեկիչների բնակարանում հայտնաբերված նոութբուքում տեղեկատվություն է եղել ԱՄՆ-ի դեսպանատան եւ Բելգիայի վարչապետի նստավայրի մասին»,- նշել է հեռուստաալիքը:

Ինքնաթիռի կործանման հետեւանքով, ըստ ճշտված տվյալների, զոհվել է յոթ մարդ, այդ թվում՝ Լապիերի կինը եւ նրա ընտանիքի այլ անդամներ:

ԺՀԿ-ն համոզված է, որ Սասուն Միքայելյանն իր անցած ճանապարհով, Հայրենիքի նվիրվածությամբ կարող է դառնալ ընդդիմության համախմբման մերանը և Հրազդանի ժողովուրդը, տեսնելով միասնականություն, կկարողանա կանխել հանրապետական բանդայի «հաղթարշավը», տեր կկանգնի քվեին և կունենա իր քաղաքապետին ի դեմս Սասուն Միքայելյանի:

Etihad Airways ավիաընկերության Աբու Դաբի-Չիկագո չվերթը արտակարգ վայրէջք է կատարել Մոսկվայի «Դոմոդեդովո» օդանավակայանում ուղևորի մահվան պատճառով:

«Ռոսսելխոզնադզորի» ղեկավար Սերգեյ Դանկվերտը չի բացառել Թուրքիայից Ռուսաստան ներկրվող ողջ գյուղատնտեսական արտադրատեսակների վրա արգելքի սահմանումը, հայտնում է RIA Novosti-ն:

«Այս ոգով էլ կոչ ենք անում Ձեզ Միջուկային անվտանգության գագաթնաժողովի շրջանակներում աշխատանք տանել Լեռնային Ղարաբաղի խնդրի հիմնական կողմերի հետ` իրականություն դարձնելու Կոնգրեսի անդամների կողմից առաջարկված և Ձեր վարչակազմի կողմից աջակցություն ստացած խաղաղությանն ուղղված միջոցառումները»,- ասված է կոնգրեսականների նամակում:

«Այս առավոտ մեր սիրելի կինը, մայրը, տատիկը, հրաշալի դերասանուհին, հումանիտար գործիչն ու հոգեկան առողջության ռեկորդակիր Աննա Փաթի Դյուկ Փիրսը փակեց իր աչքերը, նրա ցավը հանդարտվեց, եւ նա համբառնաց մի հրաշագեղ վայր»,- հայտարարել է Դյուկի որդին՝ դերասան Շոն Ասթինը: Ինչպես հայտարարել է Դյուկի կառավարիչը, դերասանուհու մոտ սեպսիս Էր զարգացել:

ՌԴ կառավարությունը Պետդումայի վավերացմանն է ներկայացրել գազի և ալմաստների վերաբերյալ Հայաստանի հետ համաձայնագրի փոփոխությունները

ՄԱԿ-ի գլխավոր քարտուղար Պան Գի Մունը կոչ է արել երկրներին միավորել ջանքերն ահաբեկչության դեմ պայքարում, ինչպես նաև մեծ ուշադրություն դարձնել ծայրահեղականության առաջացման նախադրյալներին:

մարտի 30-ին ժամը 00:10-ին «Գյումրի» ԲԿ են ընդունվել կտրած-ծակած գործիքով վնասվածքներ ստացած քաղաքացիներ: Վերջիններս են Երեւանի բնակիչներ, 1980 թ. ծնված Արա Մանուկյանը, որի մոտ ախտորոշվել է կրծքավանդակի առաջնային պատի կտրած-ծակած թափանցող վերքեր, եւ 1989 թ. ծնված Նաիրի Դավթյանը, որի մոտ ախտորոշվել է կրծքավանդակի ձախ կեսի թափանցող կտրած- ծակած« աջ կեսի չթափանցող կտրած- ծակած« ձախ դաստակի կտրած վերքեր:

Հայաստանի արտաքին գործերի առաջին նախարար Րաֆֆի Հովհաննիսյանը գտնվում է Միացյալ Նահանգների մայրաքաղաքում՝ աշխարհահռչակ Ատլանտյան խորհրդի հրավերով:

ԱՄՆ պաշտպանության նախարարությունը կարծում է, որ դերը, որը Ռուսաստանը խաղում է Սիրիայում, վերջին շրջանում ավելի կառուցողական է դարձել, հայտնում է BBC-ի ռուսական ծառայությունը:

Հայ Ազգային Կոնգրես կուսակցության կողմից առաջարկված բանակցային ֆորմատը չի ենթադրում ներառական հնարավորություն, քանի որ ձևավորվում է միայն ԱԺ խմբակցություններից՝ հաշվի չառնելով արտախորհրդարանական քաղաքական ուժերին։

Apple ընկերության եւ Միացյալ Նահանգների Հետաքննությունների դաշնային բյուրոյի իրավական վեճն ավարտված է: ԱՄՆ-ի արդարադատության նախարարությունը հայտարարել է, որ վեճի առարկա հանդիսացող Սան Բերնարդինոյի ահաբեկչի արգելափակված հեռախոսից հաջողվել է ստանալ բոլոր տեղեկությունները, եւ իրավապահներին այլեւս անհրաժեշտ չէ Apple-ի օգնությունը՝ հեռախոսի պաշտպանվածությունը շրջանցելու համար:

Ատոմային արդյունաբերության զարգացման հարցերի քննարկումը համընկնում է միջուկային անվտանգության շուրջ գագաթնաժողովին, որը նույն օրերին անցկացվելու է Վաշինգտոնում: Դրան կմասնակցեն հիսունից ավելի պետություններ: Գլխավոր թեման կդառնա միջուկային ահաբեկչության կանխման քննարկումը: Գագաթնաժողովի ծրագիրը կսկսվի մարտի 31-ին պատվիրակությունների ղեկավարությունների ժամանումից հետո, իսկ ելույթների հիմնական մասը կկայանա ապրիլի 1-ին:

Ազգային անվտանգության խորհրդի նախագահի պաշտոնում աշխատելը, շփումները Բորդյուժայի եւ Պատրուշեևի հետ, հավանաբար, համոզեցին ՕԵԿ նախագահին, որ Հայաստանի գործառույթը Ռուսաստանի ֆորպոստ լինելն է:

Այսօր՝ մարտի 30-ին, ՀՀ ոստիկանության պետ, գեներալ-լեյտենանտ Վլադիմիր Գասպարյանը հրամաններ է ստորագրել:

ՀՀ արտաքին պարտքի անընդհատ աճը և ներգրավված միջոցների անարդյունավետ ծախսվելու փաստը բազմաթիվ հարցեր են առաջացնում թե՛ մասնագետների և թե՛ հասարակության լայն շերտերի շրջանում։ Այդ իսկ պատճառով, «Քաղաքացիական պայմանագիր» կուսակցությունը որոշում է կայացրել իր քաղաքական օրակարգում ընդգրկել ՀՀ արտաքին պարտքի անկախ աուդիտի հանձնաժողովի ստեղծման հարցը:

ՀՀ տրանսպորտի և կապի նախարարությունը տեղեկացնում է, որ մարտի 30-ին՝ ժամը 09:00-ի դրությամբ, Վարդենյաց լեռնանցքում տեղ-տեղ մերկասառույց է (Մարտունու կողմից):

Ռուսաստանի Դաշնության արտաքին գործերի նախարարությունը պատասխան հայտագիր է հղել ՌԴ-ում ՀՀ դեսպանությանը` Հրաչյա Հարությունյանին տեսակցելու հարցի առնչությամբ` հայտնելով, որ ՌԴ Պատժի կրման դաշնային ծառայության պատժի կրման և հատուկ հաշվառման վարչությունը պատրաստակամ է կազմակերպել ՌԴ-ում ՀՀ դեսպանության ներկայացուցիչ ների հանդիպումը Տամբովի մարզի հ.3 ուղղիչ հիմնարկում պատիժը կրող Հրաչյա Հարությունյանի հետ:

ԱՄՆ-ի իշխանությունները հրամայել են զինվորականների ու դիվանագետների ընտանիքներին լքել Թուրքիայի հարավը անվտանգության հնարավոր սպառնալիքների պատճառով: Նրանց հրամայված է հեռանալ Ադանայից, Իզմիրից ու Մուղլայից, հայտնում է BBC-ն:

Երեւանի Ավան թաղամասից մարտի 24-ին անգիտակից վիճակում հիվանդանոց տեղափոխված եւ մի քանի օր անց մահացած 21-ամյա Արա Փափազյանը դեպքի օրը հեծանիվով գնացել էր ընկերներին տեսնելու:

Մարտի 30-ին, ժամը 07.28-ին տեղեկություն է ստացվել, որ Մասիս-Երևան ավտոճանապարհին՝ կամրջի մոտակայքում, տեղի է ունեցել ՃՏՊ. ավտոմեքենան ընկել է կամրջից. անհրաժեշտ է փրկարարների օգնությունը:

Անցած տարվա նոյեմբերի 25-ին Մարաշում վնասազերծված «հանցավոր» խմբի անդամների գործի քննությունը կարծես մոտենում է ավարտին։ ՀՀ ԱԱԾ-ի՝ նշված գործը քննող քննիչները գործով անցնող մեղադրյալների ցանկը, ըստ ամենայնի, այլևս չընդլայնելու հանձնարարություն են ստացել։ «Ժողովուրդ»-ին լուրեր հասան, որ կալանավորվածներից մի քանիսի ցուցմունքներում ներկա և նախկին տարբեր պաշտոնյաների անուններ են նշվել, այդ թվում ՀՀ պաշտպանության նախարարության և ԱԱԾ-ն ներկայացնող, ինչպես նաև Սերժ Սարգսյանը մերձավոր շրջապատի գործարարների անուններ։

«Քանի որ նախարարը նախագահի հետ ԱՄՆ-ում է, սա հարմար առիթ է աշխատասենյակը վերանորոգելու համար: Նա դեռ նախարարության աշխատակիցներին ներկայացնելու ժամանակ հայտարարել էր, որ կփոխի գույները: Հիմա աշխատասենյակի գույները փոխարինում է իր համար աշխատանքային, պարզ գույներով»:

Ճոյտը, օրերս մեկնելու է Մոսկվա՝ հանդիպելու Պետդումայի պատգամավոր Ժիրինովսկու հետ։ Ապրիլի 15-ից Մոսկվայում ցուցադրվելու է Հակոբյանի ցեղասպանության մասին ֆիլմը, և նա փորձում է ոչ միայն կարծիք ստանալ Ժիրինովսկուց, այլև խնդրել նրան ելույթ ունենալ ОРТ-ով և գովաբանել յուր ռեժիսուրան՝ հընթացս հայ-ռուսական ժողովուրդների անմար բարեկամությունը, ինչին հաճախ «լծվում-ապալծվում» է Վոլֆովիչը։

ՀՀ ոստիկանությունը հետաքննություն է անցկացնում«Իրազեկ քաղաքացիների միավորում» հասարակական կազմակերպության փորձագետ Կարեն Վարդանյանի անհետացման հետ կապված:

ԱՄՆ Հավայի նահանգի Ներկայացուցիչների պալատը պաշտոնապես ընդունել է Արցախի Հանրապետության անկախությունը ճանաչող 167 բանաձևը: Այս մասին տեղեկացնում է Հայ դատի ԱՄՆ հանձնախումբը:

«Հայ ազգային կոնգրես կուսակցությունը, ըստ որոշ տեղեկությունների, բանակցություններ է սկսել Ռուսաստանի հայերի միության նախագահ Արա Աբրահամյանի հետ քաղաքական համագործակցության հնարավորության, ձեւի եւ բովանդակության շուրջ: Խոսքը 2017 թվականի խորհրդարանական ընտրությունների համատեքստում հնարավոր համագործակցության մասին է: Արա Աբրահամյանը մի քանի ամիս առաջ հրապարակային հետաքրքրություն էր ցուցաբերել ՀՀ-ում քաղաքական գործընթացների նկատմամբ եւ կուսակցություն ստեղծելու ու այդ կուսակցությամբ հայաստանյան սպասվող ընտրություններին մասնակցելու ցանկություն էր հայտնել:

Ես երազում եմ այն Հայաստանի մասին, որտեղ ուժեղ և կայացած անհատները ջանք ու եռանդ չեն խնայում պետական և հասարակական կայուն հաստատություններ ստեղծելու համար: Իսկ դա իրականություն է դառնալու միայն այն պարագայում, երբ նրանք համոզվեն, որ այդ հաստատությունները իրենցից յուրաքանչյուրի սեփականությունն են: Իմ այս պատկերացումը գաղտնիք չէ որևէ մեկի համար: