3 սմուզի՝ ավելորդ քաշից արագ ազատվելու համար

Գաղտնիք չէ, որ ավելորդ քաշ ունեցող մարդիկ ունեն ավելորդ ճարպեր, որոնք դառնում են առողջական այնպիսի խնդիրների պատճառ, ինչպիսիք են սրտի հիվանդությունները, ճարպակալած լյարդը, շաքարախտը, և այլն:

Մանրաթելեր պարունակող մթերքները նվազեցնում են անդադար ուտելու ցանկությունը, կանխարգելում փորկապությունը և երկար ժամանակով հագեցնում քաղցը:

Պրոտեիններով հարուստ ուտելիքները կարևոր են քաշը կորցնելու և նիհարելու ընթացքում մկանները պահպանելու համար: Դրանք նաև հրաշալի էներգիայի աղբյուր են և ուժ են հաղորդում առօրյայում: Հիշեք, որ ավելորդ քաշից ազատվելու համար պետք չէ սովի մատնվել: Նախաճաշի փոխարեն՝ պարզապես խմեք այս 3 սմուզին և ազատվեք ավելորդ քաշից:

Բաղադրատոմս-1

• 2ճ/գ կտավատի աղացած սերմեր
• 1 բանան
• 1/3 բաժակ ջուր
• 1 նարինջ
• 2 ճ/գ կտրատած նուշ
• 2 թարմ չորացրած թուզ

Պատրաստման եղանակը

Նարնջի հյութը քամեք և խառնեք մյուս բաղադրիչներին, ամբողջը բլենդերով հարեք այնքան ժամանակ, մինչև խյուսանման զանգված ստանաք: Այս սմուզին պետք է խմել անմիջապես պատրաստելուց հետո:

Ցուցում. Սմուզին պատրաստելուց 30 րոպե առաջ թուզը թրջեք ջրի մեջ:

Բաղադրատոմս-2

• Կես կիտրոն
• 1 բաժակ ազնվամորի
• 1 ճ/գ կտավատի աղացած սերմեր
• 1 խնձոր
• 1 բանան

Պատրաստման եղանակը

Բոլոր բաղադրիչները լցրեք բլենդերի մեջ և հարեք՝ մինչև խյուսանման զանգված ստանալը: Անմիջապես խմեք այն:

Բաղադրատոմս-3

• 1 ճ/գ պնդուկ
• 2 կիվի
• 1ճ/գ կտավատի աղացած սերմեր
• 1 բանան
• Կես խնձոր
• 1 նարինջ

Պատրաստման եղանակը

Բոլոր բաղադրիչները խառնեք բլենդերով՝ մինչև համասեռ զանգված ստանալը: Անմիջապես պատրաստելուց հետո խմեք:

Նյութը հրապարակման պատրաստեց Լիլիթ Հարությունյանը