Լավրովն ու Շտայնմայերը մայիսի 7-ին կհանդիպեն Վոլգոգրադում. ՌԴ ԱԳՆ
Ռուսական ТАСС լրատվական գործակալության փոխանցմամբ` Մոսկվայում հուսով են, որ մայիսի 7-ին Վոլգոգրադում Ռուսաստանի ու Գերմանիայի արտգործնախարարներ Սերգեյ Լավրովի ու Ֆրանկ Վալտեր Շտայնմայերի պլանավորած հանդիպումը հնարավորություն կտա աշխուժացնել երկկողմ երկխոսությունը:
Այս մասին հայտարարել է ՌԴ ԱԳՆ-ի ներկայացուցիչ Ալեքսանդր Լուկաշևիչը. «Կան այդպիսի պլաններ: Գոհունակությամբ Վոլգոգրադում` պատմական այդ վայրում, սպասում ենք հանգամանալից բանակցությունների:
Հուսով ենք, որ այդ հանդիպումը մեզ կօգնի աշխուժացնել ոչ միայն մեր երկխոսությունը, այլև` կբացի հնարավոր նոր հորիզոններ առանցքային տարածաշրջանային ու միջազգային հարցերի շուրջ փոխգործակցելու համար»:
