Բունդեսթագի նախագահը 100 տարի առաջ Օսմանյան կայսրությունում հայերի հետ տեղի ունեցածը որակել է որպես ցեղասպանություն
Ռուսական РИА Новости լրատվական գործակալության փոխանցմամբ՝ Բունդեսթագի նախագահ Նորբերտ Լամերտը Գերմանիայի նախագահ Յոահիմ Գաուկից հետո 100 տարի առաջ Օսմանյան կայսրությունում հայերի հետ տեղի ունեցածը որակել է որպես ցեղասպանություն:
Ելույթ ունենալով Հայոց ցեղասպանության 100-րդ տարելիցին նվիրված Բունդեսթագի նիստում՝ Լամերտը հայտարարել է. «Այն, ինչ Առաջին համաշխարհային պատերազմի կեսերին տեղի է ունեցել Օսմանյան կայսրությունում միջազգային հանրության աչքերում ցեղասպանություն էր»:
Բունդեսթագում այսօր քննարկվում է Հայոց ցեղասպանությունը ճանաչող բանաձևի ընդունումը: Սրանից առաջ Գերմանիայի նախագահ Յոահիմ Գաուկը հայտարարել էր Հայոց ցեղասպանության իրագործման հարցում գերմանացիների մեղավորության մասին՝ Գերմանիայի ղեկավարության անունից առաջին անգամ օգտագործելով այդ տերմինը:
