Նիկոլ Փաշինյանը երկօրյա աշխատանքային այցով մեկնել է Բիշքեկ
Նիկոլ Փաշինյանը երկօրյա աշխատանքային այցով մեկնել է Ղրղզստանի Հանրապետություն:
Այդ մասին հաղորդագրություն է տարածել ՀՀ կառավարությունը։
Փաշինյանը Բիշքեկում կմասնակցի Շանհայի համագործակցության կազմակերպության գագաթնաժողովի ՇՀԿ+ ձևաչափի հանդիպմանը և դրա շրջանակում կայանալիք միջոցառումներին:
Այցի շրջանակում Նիկոլ Փաշինյանը երկկողմ հանդիպումներ կունենա արտերկրի գործընկերների հետ:
Ավելի վաղ Կրեմլից հայտնել էին, որ Բիշքեկում նախատեսված է նաև Նիկոլ Փաշինյանի և Ռուսաստանի նախագահ Վլադիմիր Պուտինի հանդիպումը։
