Պորոշենկոն ստորագրել է Ուկրաինայում Հանրային հեռուստատեսության ստեղծման մասին օրենքը
Ուկրաինական UNIAN լրատվական գործակալության փոխանցմամբ՝ Ուկրաինայի նախագահ Պյոտր Պորոշենկոն օրենք է ստորագրել Ուկրաինայում Հանրային հեռուստատեսության ստեղծման մասին: Այս մասին նա գրել է Twitter-ի իր միկրոբլոգում:
Օրենքը ստորագրվել է այսօր Կիևում Հանրային հեռուստատեսության շնորհանդեսի ժամանակ՝ ուղիղ եթերում: Պորոշենկոն հայտարարել է, որ անելու է ամեն բան, որպեսզի երկրում պահպանի խոսքի ազատություն ու ժողովրդավարություն: Հանրային հեռուստատեսության ստեղծման մասին օրենքն Ուկրաինայի Գերագույն ռադան ընդունել է մարտի 19-ին:
