Գարեգին Չուքասզյանը նույնպես ձերբակալվել է
Այս պահին «Հիմնադիր խորհրդարանի» ձերբակալված անդամների թիվը 5-ն է, նրանց թվում է նաև Գարեգին Չուքասզյանը: Քննչական կոմիտեից 168.am-ին հայտնեցին, որ նրանք պահանջել են փաստաբաններ և նրանց կողմից հրավիրված փաստաբանները ներգրավվել են որպես պաշտպաններ:
Քիչ առաջ Քննչական կոմիտեի շենքից դուրս բերվեցին Գևորգ Սաֆարյանն (նա ձեռնաշղթաներով էր) և Պավել Մանուկյանը:
Ի դեպ, ավտոմեքենայով ՔԿ բերվեցին «Հիմնադիր խորհրդարանի» շենքից առգրավված իրերը՝ պաստառները, կարգախոսներով գլխարկները և այլ իրեր:
