Սպիտակ տունը Սնոուդենին կոչ է արել վերադառնալ ԱՄՆ
Ռուսական РИА Новости լրատվական գործակալության փոխանցմամբ՝ ԱՄՆ հատուկ ծառայությունների նախկին աշխատակից Էդվարդ Սնոուդենը պետք է վերադառնա ԱՄՆ և կանգնի արդարադատության առջև: Այս մասին երեկ հայտարարել է Սպիտակ տանը կից Ազգային անավտանագության խորհրդի պաշտոնական ներկայացուցիչ Էդվարդ Փրայսը:
Նա հայտարարել է, որ Սնոուդենի հարցում չի փոխվել ամերիկյան վարչակազմի դիրքորոշումը. «Սնոուդենը մեղադրվում է գաղտնի տեղեկատվություն հրապարակելու մեջ: Նա պետք է վերադառնա ԱՄՆ, ուր նրա դեմ արդարադատություն կիրականացվի բոլոր նորմերին համապատասխան»:
Ավելի վաղ Սնոուդենի փաստաբան Անատոլի Կուչերենան Մոսկվայում հայտարարել էր, որ Սնոուդենը պատրաստ է մեկնել ԱՄՆ՝ պայմանով, որ իրեն կտրվեն օրինական ու անկողմնակալ դատավարության երաշխիքներ:
