Ի՞նչ է հակաօքսիդանտը, ի՞նչ ֆունկցիա ունի, և որտե՞ղ կարելի է այն գտնել

Վերջին մի քանի տարիների ընթացքում սննդին վերաբերող հոդվածներում անընդհատ խոսվում է հակաօքսիդանտների մասին: Շատ ամսագրերում և անգամ գրականության մեջ հակաօքսիդանտները նշվում են՝ որպես չափազանց օգտակար բաղադրիչ, որը շատ դրական ազդեցություն է թողնում մարդու առողջության վրա: fitfoodhouse.net-ը ձեզ է ներկայացնում հակաօքսիդանտների կարևորությունն ու, թե որտեղից կարելի է դրանք ստանալ:

Ի՞նչ է հակաօքսիդանտը

Հակաօքսիդանտները քիմիական բաղադրիչներ են, որոնք կանխարգելում են բջիջների մահը: Յուրաքանչյուր բաղադրիչ, որը կարող է հաղորդել էլեկտրոններ և չեզոքացնել ազատ ռադիկալները, իրենց բաղադրության մեջ պարունակում են հակաօքսիդանտներ: Փաստորեն, հակաօքսիդանտները գործում են 3 տարբեր ձևերով. թուլացնում են ազատ ռադիկալների ուժը, կանխարգելում են դրանց գոյացությունն ու դադարեցնում օքսիդացման շղթայական ռեակցիան:

Ահա թե ինչու են դրանց երբեմն անվանում մոլեկուլներ, որոնք կարողանում են կանգնեցնել այլ մոլեկուլների օքսիդացումը: Օքսիդացումը քիմիական այն երևույթն է, երբ մի մասնիկի ատոմները կորցնում են իրենց մեկ կամ ավելի էլեկտրոնները և տալիս մեկ այլ մասնիկի ատոմին, որի արդյունքում ի հայտ գալիս են ազատ ռադիկալները: Սա կարող է շղթայական ռեակցիայի պատճառ դառնալ, իսկ երբ կա շղթայական ռեակցիա, բջիջը կամ վնասվում է, կամ ոչնչանում:

Բնական հակաօքսիդանտներ պարունակում են մրգերը, բանջարեղենը և ծովամթերքը: Հակաօքսիդանտների բաղադրության մեջ են մտնում վիտամին C, A և E, բետա-կարոտինը և լիկոպենը: Հակաօքսիդանտներ կարելի է ստանալ նաև արհեստական ճանապարհով և օգտագործել՝ որպես սննդային հավելում:

Ի՞նչն է հակաօքսիդանտների պակասի պատճառը

Այն դիետաները, որոնք սննդակարգից հանում են ճարպերը, կարող են խանգարել կարոտինի, E վիտամինի և այլ սննդարար նյութերի ներծծմանը: Մրգերն ու բանջարեղենը C վիտամինի և կարոտինոիդների կարևոր աղբյուր են, իսկ ձավարեղենն ու բարձր որակի բուսական յուղերը E վիտամինի հիմնական աղբյուր են:

Որոշակի տեսակի սնունդ օգտագործելուց և դիետաներ պահելուց բացի, մարդու մարմինն ունի հակաօքսիդանտային մի քանի մեխանիզմներ, որոնց օգնությամբ կարողանում է ինքն իրեն պաշտպանել ազատ ռադիկալների պատճառած վնասից:

Օրգանիզմում բավականաչափ քանակությամբ հակաօքսիդանտներն ապահովելու համար օրական պետք է ստանալ դրանց անհրաժեշտ քանակությունը: Անհրաժեշտության դեպքում այն կարելի է ստանալ նաև սննդային հավելումների տեսքով՝ այսպիսով կանխարգելելով ազատ ռադիկալների վատ ազդեցությունը:

Որտե՞ղ գտնել հակաօքսիդանտները

Վիտամին E. ընկուզեղեն, ձավարեղեն, բանջարեղեն, բուսական յուղեր
Վիտամին C. ցիտրուսային մրգեր, լոլիկ, կանաչ բանջարեղեն, որոնք հարուստ են մանրաթելերով, ելակ
Վիտամին A. քաղցր կարտոֆիլ, բրոկոլի, գազար, կանտալուպա, կաղամբ, սալոր
Բետա-կարոտին. Քաղցր կարտոֆիլ, գազար
Սելենիում. բրազիլական ընկույզ, ձկնեղեն և ծովամթերք, կարմիր միս, ձու, կաթ, սխտոր, ձավարեղեն
Ֆլավոնոիդներ. սոյա, կարմիր գինի, նուռ, հապալաս, թեյ:

Նյութը հրապարակման պատրաստեց Լիլիթ Հարությունյանը