ՆԱՏՕ-ի ավիացիան այս տարի կրկնապատկել է իր թռիչքների թիվը երկրի սահմանների մոտ. ՌԴ ՊՆ
Lenta.ru-ի փոխանցմամբ՝ Ռուսաստանի պաշտպանության փոխնախարար Անատոլի Անտոնովը հայտարարել է, որ ՆԱՏՕ-ի ավիացիան 2014 թվականին կրկնապատկել է իր թռիչքների թիվը Ռուսաստանի սահմանների մոտ.
«Ռուսական սպառանալիքի կարգախոսի ներքո իրականացվում է Մերձբալթիկայում, Լեհաստանում, Բուլղարիայում ու Ռումինիայում ՆԱՏՕ-ի ռազմական պոտենցիալի ընդլայնում:
Այս տարի ՆԱՏՕ-ի մարտավարական ավիացիան կատարել է ավելի քան 3000 թռիչք ռուսական սահմանների մոտ, ինչն ավելի քան կրկնակի գերազանցում է նախորդ տարվա ցուցանիշը:
Աճել է նաև հետախուզական թռիչքների թիվը Բարենցի ու Բալթիկ ծովերի ջրատարածությունում: Եթե նախորդ տարի դրանց թիվը կազմել է 258 թռիչք, ապա այս տարի՝ 480 թռիչք:
Հատուկ մտահոգություն են հարուցում ՆԱՏՕ-ի անդամ ոչ միջուկային երկրների ինքնաթիռների, որոնք ունակ են կրել միջուկային զենք, անձնակազմի շարունակական պատրաստությունը, այդ գործընթացում նոր երկրների, օրինակ Լեհաստանին, ներառելը»:
