Համացանցի նորահայտ աստղը. կանաչ կատու (լուսանկարներ, տեսանյութ)

Ունիկալ զմրուխտե կատու:

Աներևակայելի կատուն, որը հայտնվել է Վառնայի (Բուլղարիա) փողոցներում, անհանգստացրել է հանրությանը: Նրա զմրուխտե գույնը երկար ժամանակ հանգիստ չէր տալիս կենդանիների պաշտպաններին և ուղղակի ոչ անտարբեր մարդկանց, որոնց այդպես էլ չհաջողվեց բացահայտել անսովոր գունավորման գաղտնիքը:

Կատու, որն ինքն իրեն ներկել է կանաչ գույնով:

Սա ֆոտոշոփ չէ, այլ իրական կանաչ կատու, որին կարելի է հանդիպել Վառնայի փողոցներում: Քաղաքի բնակիչները երկար ժամանակ չէին կարողանում հասկանալ` ի՞նչ է դա. չար կատա՞կ, թե՞ տերերի տարօրինակությունն է: Նույնիսկ facebook-ում կոորդինացման խումբ էր ստեղծվել մեղավորներին գտնելու համար:

Արտասովոր գունավորմամբ հմայիչ կատու:

Որոշ ժամանակ անց հնարավոր եղավ հետևել խեղճ կենդանուն և պարզել, որ անբնական ներկման պատճառը նրա` ավտոտնակում կանաչ չոր ներկի վրա քնելու սովորությունն է:

Մինչ օրս կատվին բռնելու ու նախկին տեսքին բերելու բոլոր փորձերը ձախողվել են: Բայց նա արդեն հասցրել է փառք գտնել և հայտնի դառնալ:

Պատրաստեց ՌԱԶՄԻԿ ՄԱՐՏԻՐՈՍՅԱՆԸ