ԵՄ-ը կարող է չեղյալ հայտարարել Ռուսաստանի դեմ սահմանած պատժամիջոցները
Ռուսական ИТАР-ТАСС լրատվական գործակալության փոխանցմամբ` ԵՄ-ի դիվանագիտության ղեկավար Քեթրին Էշթոնի մամլո քարտուղար Մայա Կոսյանչիչը հայտարարել է, որ ԵՄ-ի արտաքին քաղաքական ծառայությունը մեկ ամսվա ընթացքում գնահատական է տալու Ուկրաինայում իրավիճակի կարգավորման խաղաղ պլանի իրագործմանը:
Դա արվելու է նրա համար, որպեսզի դիտարկվի նաև Ռուսաստանի դեմ սահմանված պատժամիջոցների վերանայման կամ չեղյալ հայտարարման հնարավորությունը: Սեպտեմբերի 12-ին Ռուսաստանի դեմ պատժամիջոցների ուժի մեջ մտնելուց հետո Եվրախորհրդի ղեկավար Հերման վան Ռոմպեյը հայտարարել էր, որ ԵՄ-ը կարող է ամբողջովին կամ մասնակի չեղյալ հայտարարել դրանք` կախված Ուկրաինայի արևելքում իրավիճակի զարգացումից:
