Աշխարհի չեմպիոն հայ ըմբիշներին դիմավորեցին մեծ շուքով (տեսանյութ)
Այսօր՝ սեպտեմբերի 15–ին, Երևան վերադարձավ ըմբշամարտի հունահռոմեական ոճի Հայաստանի հավաքականը։
Մեր ընտրանին Հայաստան վերադարձավ Տաշքենդից, որտեղ ընթացող Աշխարհի առաջնությունում երկու ոսկե մեդալ նվաճեց։ Արսեն Ջուլֆալակյանը չեմպիոն դարձավ 75 կգ, իսկ Արթուր Ալեքսանյանն ուժեղագույնն էր 98 կգ քաշային կարգում։
Հայաստանի հավաքականին դիմավորողների թվում էր նաև Սպորտի և երիտասարդության նախարար Գաբրիել Ղազարյանը։
Armsport.am–ը նույնպես գտնվում էր «Զվարթնոց» օդանավակայանում և նկարահանել է թե ինչպես դիմավորեցին հայ ըմբիշներին։
