Թուրքիայի, Թուրքմենստանի ու Ադրբեջանի արտգործնախարարների հաջորդ հանդիպումը կանցկացվի մինչև ընթացիկ տարեվերջ
Ադրբեջանական APA լրատվական գործակալության փոխանցմամբ՝ Թուրքիայի, Թուրքմենստանի ու Ադրբեջանի արտգործնախարարները պլանավորել են իրենց հաջորդ հանդիպումն անցկացնել մինչև ընթացիկ տարեվերջ, Աշգաբադում:
Այս մասին Թուրքիայի արտգործնախարար Ահմեթ Դավութօղլուի ու Թուրքմենստանի արտգործնախարար Ռաշիդ Մերեդովի հետ համատեղ մամուլի ասուլիսի ժամանակ այսօր հայտարարել է Ադրբեջանի արտգործնախարար Էլմար Մամեդյարովը:
Վերջինիս խոսքերով՝ այսօրվա հանդիպման ժամանակ քննարկվել են երեք երկրների փոխհարաբերությունների հարցը, միջազգային կազմակերպությունների շրջանակներում, ինչպես նաև էներգետիկայի ու տրանսպորտի ոլորտներում համագործակցության հարցը:
Թուրքիայի, Թուրքմենստանի ու Ադրբեջանի արտգործնախարարների եռակողմ հանդիպման արդյունքներով ընդունվել է Բաքվի հռչակագիրը:
