Էրդողանը հուսով է, որ թե՛ ՀՀ-ը, թե՛ Հայկական սփյուռքը կտեսնեն իրենց «սրտանց քայլերը» և կպատասխանեն նույն կերպ
Թուրքական Anadolu լրատվական գործակալության փոխանցմամբ՝ Թուրքիայի վարչապետ Ռեջեփ Էրդողանն իր գլխավորած «Արդարություն ու զարգացում» կուսակցության (ԱԶԿ) ժողովում անդրադարձել է Հայոց ցեղասպանության խնդրին.
«1915 թվականի իրադարձություններն օգտագործվել են քաղաքական նպատակներով: Թուրքիան չի վախենում իր պատմությունից և պատրաստ է առերեսվել պատմության ու պատմական իրողությունների հետ:
Այն երկրները, որոնք 100 տարվա ցավերն ու աղետները ծառայեցնում են իրենց շահերին, պետք է պատրաստ լինեն իրենց իսկ պատմության հետ առերեսվելուն»:
Էրդողանը հույս է հայտնել, որ թե՛ Հայաստանի Հանրապետությունը, թե՛ Հայկական սփյուռքը կտեսնեն իրենց «սրտանց քայլեր» և կպատասխանեն նույնպիսի «սրտանց և միաժամանակ համարձակ» քայլերով:
